క్రెడిట్ స్కోర్ లేని వారికి అదిరిపోయే శుభవార్త! క్రెడిట్ స్కోర్ అక్కర్లేదు! కోటక్ సూపర్.మనీ క్రెడిట్ కార్డ్: 5% క్యాష్బ్యాక్! | Kotak Super Money Credit Card telugu | Credit Card For Womens and Students
మీరు మీ మొదటి క్రెడిట్ కార్డ్ కోసం అప్లై చేశారా? క్రెడిట్ హిస్టరీ లేదనే ఒకే ఒక్క కారణంతో మీ అప్లికేషన్ రిజెక్ట్ అయిందా? ముఖ్యంగా విద్యార్థులు, ఉద్యోగంలో కొత్తగా చేరిన యువత, ఇంట్లో ఉండే గృహిణులకు ఇలాంటి పరిస్థితి తరచుగా ఎదురవుతుంది. క్రెడిట్ స్కోర్ లేకపోవడం అనేది క్రెడిట్ ప్రపంచంలోకి అడుగుపెట్టడానికి పెద్ద అడ్డంకి. కానీ, ఇప్పుడు ఆ సమస్యకు చెక్ పెడుతూ, కోటక్ మహీంద్రా బ్యాంక్, సూపర్.మనీ (Super.Money) సంస్థతో కలిసి ఒక వినూత్నమైన ప్రొడక్ట్ను మార్కెట్లోకి తెచ్చింది. అదే “కోటక్811 సూపర్.మనీ క్రెడిట్ కార్డ్ (Kotak811 Super.Money Credit Card)“. ఈ కోటక్ సూపర్.మనీ క్రెడిట్ కార్డ్ మీ ఫైనాన్షియల్ ప్రయాణంలో మొదటి అడుగు వేయడానికి ఒక గొప్ప అవకాశం.
ఎవరి కోసం ఈ స్పెషల్ క్రెడిట్ కార్డు?
ఈ క్రెడిట్ స్కోర్ లేని వారికి క్రెడిట్ కార్డ్ ప్రత్యేకంగా విద్యార్థులు, కొత్తగా ఉద్యోగంలో చేరిన ఫ్రెషర్స్, మరియు గృహిణులను దృష్టిలో ఉంచుకుని రూపొందించబడింది. ఇది కేవలం ఖర్చు చేయడానికి మాత్రమే కాదు, భవిష్యత్తు కోసం ఒక పటిష్టమైన క్రెడిట్ హిస్టరీని (Credit History) బిల్డ్ చేసుకోవడానికి ఒక సురక్షితమైన మార్గం. కోటక్ బ్యాంక్ అందిస్తున్న ఈ సెక్యూర్డ్ క్రెడిట్ కార్డ్ (Secured Credit Card) అనేది, క్రెడిట్ క్రమశిక్షణను పాటించడానికి, బాధ్యతాయుతమైన ఆర్థిక లావాదేవీలను నేర్చుకోవడానికి చక్కగా ఉపయోగపడుతుంది.
కోటక్811 3-ఇన్-1 అకౌంట్ బండిల్ ప్యాకేజ్ అంటే ఏమిటి?
కోటక్ బ్యాంక్ ఈ క్రెడిట్ కార్డును ఒక బండిల్ ప్యాకేజీగా అందిస్తోంది. అందుకే దీనిని ‘కోటక్811 3-ఇన్-1 అకౌంట్’ అని పిలుస్తున్నారు. ఇందులో మూడు కీలకమైన ఆర్థిక సేవలు ఒకేచోట లభిస్తాయి:
- సేవింగ్స్ అకౌంట్: రోజువారీ బ్యాంకింగ్ లావాదేవీల కోసం జీరో-బ్యాలెన్స్ సేవింగ్స్ అకౌంట్.
- ఫిక్స్డ్ డిపాజిట్ (FD): మీ డబ్బుపై వడ్డీ సంపాదించడానికి ఒక FD అకౌంట్.
- క్రెడిట్ కార్డ్: పైన చెప్పిన FDకి హామీగా ఇచ్చే కోటక్ సూపర్.మనీ క్రెడిట్ కార్డ్.
ఈ మూడు ఫీచర్లు కలగలిపి డబ్బు ఆదా చేయడానికి, వడ్డీ పొందడానికి, మరియు మంచి క్రెడిట్ హిస్టరీని నిర్మించుకోవడానికి సహాయపడతాయి.
సెక్యూర్డ్ క్రెడిట్ కార్డ్ ఎలా పనిచేస్తుంది? రూ.1000తో స్టార్ట్ చేయొచ్చు!
ఈ కార్డ్ పనిచేసే విధానం చాలా సులభం. ఇది ఒక సెక్యూర్డ్ క్రెడిట్ కార్డ్, అంటే దీని క్రెడిట్ లిమిట్ (Credit Limit), మీరు కోటక్ బ్యాంక్లో ఓపెన్ చేసే ఫిక్స్డ్ డిపాజిట్తో నేరుగా లింక్ అయి ఉంటుంది. కనీసం రూ.1,000 FDతో ఈ ప్రాసెస్ స్టార్ట్ చేయవచ్చు. మీరు చేసిన FD విలువలో దాదాపు 90 శాతం వరకు క్రెడిట్ లిమిట్ వస్తుంది. ఉదాహరణకు, మీరు రూ.20,000 FD చేస్తే, వెంటనే మీకు రూ.18,000 క్రెడిట్ లిమిట్ ఉన్న కార్డ్ లభిస్తుంది. కార్డ్ యాక్టివ్గా ఉన్నంతకాలం, మీ FDపై ‘లియన్’ (Lien) ఉంటుంది. అంటే ఆ డబ్బును మీరు విత్డ్రా చేసుకోలేరు. ఇది బ్యాంకుకు ఒక హామీగా పనిచేస్తుంది. అదృష్టవశాత్తూ, క్రెడిట్ లిమిట్ పెంచుకోవాలంటే, యాప్ ద్వారా FDలో మరింత డబ్బు యాడ్ చేస్తే సరిపోతుంది, కొత్త లిమిట్ ఆటోమేటిక్గా అప్డేట్ అవుతుంది.
అదిరిపోయే క్యాష్బ్యాక్ ఆఫర్లు, ఫీజుల వివరాలు!
ఈ కోటక్ సూపర్.మనీ క్రెడిట్ కార్డ్ యొక్క అతిపెద్ద ప్రయోజనం ఏమిటంటే, ఇది లైఫ్టైమ్ ఫ్రీ క్రెడిట్ కార్డ్. దీనికి ఎటువంటి జాయినింగ్ ఫీజు, వార్షిక ఫీజు లేదా రెన్యూవల్ ఫీజులు ఉండవు. అయితే, రూ.5,000 కంటే తక్కువ FD ఉన్నవారికి ఫిజికల్ కార్డ్ డెలివరీ కోసం రూ.250 ఛార్జ్ ఉంటుంది.
ఇక క్యాష్బ్యాక్ బెనిఫిట్స్ విషయానికొస్తే, ఈ కార్డ్పై అదిరిపోయే ఆఫర్లు ఉన్నాయి:
- 5 శాతం క్యాష్బ్యాక్: మింత్రా కొనుగోళ్లపై.
- 3 శాతం క్యాష్బ్యాక్: క్లియర్ట్రిప్పై.
- 2 శాతం క్యాష్బ్యాక్: ఫ్లిప్కార్ట్పై (యూపీఐ యేతర చెల్లింపులకు).
- 1 శాతం క్యాష్బ్యాక్: super.money యాప్ ద్వారా చేసే UPI చెల్లింపులపై మరియు అర్హత ఉన్న అన్ని ఇతర లావాదేవీలపై.
ఫ్లిప్కార్ట్ గ్రూప్, UPI చెల్లింపులపై నెలకు రూ.500 వరకు, ఇతర ఖర్చులపై ఏకంగా రూ.10,000 వరకు క్యాష్బ్యాక్ లిమిట్ పొందవచ్చు. మీరు క్రమం తప్పకుండా ఈ కార్డ్ను ఉపయోగించడం ద్వారా మంచి క్రెడిట్ హిస్టరీని నిర్మించుకోవచ్చు.
క్యాష్బ్యాక్ రిడీమ్ చేసుకునే సులభ పద్ధతి
మీకు వచ్చిన క్యాష్బ్యాక్ను super.money యాప్లోనే సులువుగా ట్రాక్ చేసి మేనేజ్ చేసుకోవచ్చు. లావాదేవీ జరిగిన 35 రోజుల తర్వాత క్యాష్బ్యాక్ను రిడీమ్ చేసుకోవడానికి వీలుంటుంది. రిడీమ్ చేసిన వెంటనే, ఆ డబ్బు మీ super.money UPI IDకి లింక్ అయిన బ్యాంక్ అకౌంట్లోకి ట్రాన్స్ఫర్ అవుతుంది. ఇది చాలా వేగవంతమైన మరియు యూజర్-ఫ్రెండ్లీ పద్ధతి.
తీసుకోవాల్సిన ముఖ్య జాగ్రత్తలు
క్రెడిట్ ప్రపంచంలోకి కొత్తగా అడుగుపెట్టేవారికి ఈ కోటక్ సూపర్.మనీ క్రెడిట్ కార్డ్ అనేది ఒక వరం లాంటిది. అయితే, ఒక ముఖ్యమైన విషయాన్ని గుర్తుంచుకోవాలి: క్రెడిట్ కార్డ్ బిల్లులను ఆలస్యం చేయకుండా కరెక్ట్ టైమ్కి చెల్లించడం చాలా ముఖ్యం. ఆలస్యంగా పేమెంట్స్ చేస్తే భారీ ఛార్జీలు పడతాయి. అంతేకాకుండా, బకాయిలు పెరిగిపోతే, ఆ మొత్తాన్ని రికవర్ చేసుకోవడానికి బ్యాంక్ మీ FDని రద్దు చేసే ప్రమాదం కూడా ఉంది. కాబట్టి, క్రమశిక్షణతో వాడితే, ఇది మీ ఆర్థిక భవిష్యత్తుకు బలమైన పునాది అవుతుంది.
Also Read..
